Aktori i njohur i humorit, Zef Deda është përlotur teksa është pyetur nëse ndihet i vlerësuar nga vendi ynë.
Në një intervistë për emisionin “N’kohë”, Zefi aktori i qindra roleve, i emocionuar tha se shqiptarët janë një popull artdashës dhe i kulturuar aq sa e të kupton dhe nuk të largon kurrë.
Pyetje– Ju keni një jetë që i keni dedikuar shpirtin artit, kur ktheni kokën pas, a ndjeheni i vlerësuar nga ky vend, apo ishte një fatkeqësi që lindët në Shqipëri?
Zef Deda- Fati më i mirë që kam qëlluar në Shqipëri, për arsye se është një popull që…(Qan) Unë jam aktor komedian, por kam mbresat e mia për popullin tem, është popull i dashtun, është kaq artdashës, kaq i kulturum sa të kupton dhe nuk të largon kurrë veç të afron. Ka pasion, shko ku të duash dhe na kujtojnë. Edhe jashtë na kanë vlerësuar, por si ky popull nuk ka… Më kanë dhënë tituj sa të duash, lëvdime sa të duash, po ça dua më unë.
