Greqia ndodhet në zi mbarëkombëtare pas aksidentit në Tempe, ku të martën mbrëma një tren pasagjerësh është përplasur me një tren tregtar, duke lënë të vdekur dhjetëra persona. Sipas informacioneve të fundit zyrtare, të vdekurit e tragjedisë kanë arritur në 57.
Drejtori i stacionit të Larisës, i cili është arrestuar përballet tashmë me akuza më të rënda dhe autoritetet po hetojnë çdo veprim të tij.
Raportet e televizionit Alpha thonë se shoferi i trenit dyshohet se u përpoq të kontaktonte drejtorin e stacionit në sekondat vendimtare përpara se trenat të përplaseshin, por nuk mori asnjë përgjigje.
Në veçanti, makinisti i tremit Intercity 62 thuhet se tha: “Unë jam në zbritje, a jam mirë këtu?” por drejtori nuk u përgjigj.
Gjithsesi, siç sqarohet, policia nuk ka analizuar të gjithë materialin nga kamerat dhe ndoshta ndonjë përgjigje mund të jetë dërguar më vonë.
Drejtuesit e trenit vijuan rrugën dhe pak minuta më vonë u përplasën kokë më kokë, me shpejtësi të madhe, me trenin tregtar, i cili po shkonte nga Katerini për në Larisa.
Christos Glavopoulos, inxhinier mekanik-elektrik dhe ekspert mjeko-ligjor, shtron një pyetje vendimtare në lidhje me aksidentin e trenit në Tempe.
Ekspertet shpresojnë të gjejnë të padëmtuara kutitë e zeza dhe leximet e tahografit të bisedave për të kuptuar më mirë se çfarë ka ngjarë, ndërsa po sipas televizionit nga analizimi i tastierës së ndërrimit të çelësave në stacionin hekurudhor në Larisa, rezulton se stacionisti 59-vjeçar kishte pesë minuta kohë për të parandaluar përplasjen fatale.
Autoritetet policore kanë marrë të gjithë materialin nga kamerat e sigurisë së Stacionit në Larisa, ku janë regjistruar të gjitha lëvizjet./Opinion.al
