Kryeministri grek Kyriakos Mitsotakis u ka kërkuar falje familjeve të viktimave të përplasjes së trenit që la të vdekur 57 dhe ndezi zemërim të jashtëzakonshëm në Greqi.
“Si kryeministër, u detyrohem të gjithëve, por veçanërisht të afërmve të viktimave, të kërkoj falje”, shkruan ai në një mesazh drejtuar grekëve dhe postuar në llogarinë e tij në Facebook.
“Në Greqinë e vitit 2023, nuk është e mundur që dy trena të udhëtojnë në drejtime të kundërta në të njëjtën linjë dhe të mos vihen re nga askush.
Rreth 7500 persona, sipas policisë, kanë demonstruar zemërimin e tyre mëngjesin e sotëm para Parlamentit të Athinës. Protestuesit, të cilët kryesisht tundnin pankartat “Poshtë qeveritë vrastare”, iu përgjigjën thirrjes së studentëve, punonjësve të hekurudhave dhe punonjësve të sektorit publik, ndërsa trenat dhe metrotë hynë në grevë në të gjithë vendin./Opinion.al
