Tradhtia është një fenomen i njohur për shumë çifte, madje edhe për ato që kanë vendosur të ndajnë një jetë bashkë. Për viktimën është e dhimbshme një eksperiencë e tillë. Ndarja është fatale. Por a është shtirja një zgjidhje për kapërcimin e saj?
Ekzistojnë martesa që zgjasin për vite e vite të tëra, pavarësisht se njëri nga partnerët mund ta ketë tradhtuar tjetrin. Miqtë e dinë, të afërmit po ashtu, e di edhe gazetashitësi, si edhe prifti ku rrëfehet, madje edhe kafshët e shtëpisë.
Ajo jo, nuk di asgjë! Ajo është gruaja e lumtur e cila vendos foto në rrjetet sociale duke shprehur dashurinë që ndien, me fytyrën e saj të buzëqeshur dhe të ëmbël të mbështetur te supi i partnerit. Por që me siguri, atë e njohin të paktën dy ose tri femra të tjera me të cilat ai ka marrëdhënie. Gjithsesi, ajo është e lumtur.
Gjithnjë ka qenë mbështetëse e faktit se, nëse një mashkull tradhton duhet të ketë forcën dhe inteligjencën që mos të zbulohet kurrë dhe të mohojë deri në fund. Madje e di mirë këshillën ndaj vetes se “nëse nuk do të kem forcë për ta falur, fundi i raportit do të jetë faji im”.
“Kohë të vështira për njerëzit xhelozë! Mbase është e nevojshme të pranohet me logjikë, si nga meshkujt ashtu edhe femrat, se në martesë duhet ecur me një ‘kurorë’ e cila ka në vetvete dy anë të kundërta, dinjitetin dhe mospërfilljen”, kështu thuhet në një artikull të “Huffington Post”, nga një specialist i kësaj çështjeje.
Dhe në fund psikologët një zëri e mbyllin me këshillën: Të gjithë kemi diçka për të fshehur, nuk na duhet një partner, por një bashkëpunëtor i aftë për t’u shtirur sikur nuk ka ndodhur asgjë!//Botasot.info
