Ish-deputeti i Partisë Demokratike, Ervin Salianji, ka folur sot në “Tv Klan” në lidhje me kandidimin e tij për deputet në zgjedhjet e 25 prillit.
Salianji është shprehur se beson se do të jetë deputet, por për këtë duhet të priten dhe vendimet e fundit para futjes në garën e zgjedhjeve të 25 prillit.
Ish-deputeti, komentoi dhe caktimin e Edmond Spahos si drejtues politik për qarkun e Korçës. Ai shtoi se është një vendim i duhur nga ana e kreut të PD, Lulzim Basha.
Ervin Salianji: Nuk është ndonjë enigmë e madhe, pasi unë për shkak të mbështetjes që kam nga demokratët do jem një nga kandidatët, besoj.
Arian Çani: Besoj, pra asgjë nuk është e sigurt?
Ervin Salianji: Për askënd nuk dihet. Pasi janë vendime kolegjiale.
Arian Çani: Por kokat e listave janë zgjedhur.
Ervin Salianji: Kokat e listave janë eksluzivitet i kryetarit, pasi i mat peshën specifike të gjithsecilit.
Arian Çani: Salianj, para se t’i jap fjalën Currit. Të mbetet mes nesh, Edmond Spaho është profesor i mirë, por nuk ka stofin tënd politik, nuk ka agresivitetin tënd.
Ervin Salianji: Edmond Spaho është nënkryetari i partisë, një prej personalitetet e pa përfolura. Ai është nënkryetar partie dhe ekipi i kandidatëve për deputet duhet të ketë ngjyrime nga të gjitha personalitetet.
