Teksa deputeti Gazmend Bardhi kërkoi kryeministrin Rama për interpelancën në Kuvend për çështjen McGonigal dhe tha se nuk ka thirrur ministren e Shtetit për Marrëdheniet me Parlamentin, kjo pasi Rama ka deleguar Spiropalin për të folur për këtë çështje, është përgjigjur ministrja Spiropali.
“Përse keni frikë nga gratë zoti Bardhi?Nuk ka rëndësi a vishem me fustan apo pantallona. E rëndësishme është që këtu të vijmë dhe të flasim të vërteta. Nuk mund të lejojmë që ju të ngrini gënjeshtra dhe të pretendoni që ne të mos ju japin përgjigje. Po ju pyes i doni apo nuk i doni përgjigjet? Zoti Bardhi këtë mund ta pres nga ata që kanë mbetur jashtë, nuk e pres këtë nga ju. Nuk mund të vini këtu të hidhni akuza që nuk ekzistojnë në asnjë dosje, por si duket me ata që rri ashtu bëhesh. 26 shpirtra e prisnin Berisha junior në derën e SPAK ndaj u bllokua kjo foltore. Prgjigjen e keni marrë dhe do ta merrni”, tha ajo./Opinion.al
