Adem Nikeziq i fejuar i gruas shtatzënë që ndërroi jetë në një aksident ka dalë përpara gjykatës dhe ka shpëthyer në lot. 30-vjeçari i dyshuar si shkaktar i aksidentit, qau në mënyrë të pakontrolluar përpara një gjykatësi pasi avokati i dha lajmin se e fejuara e tij shtatzënë 7-muajshe ndërroi jetë.
“Askush nuk i tha atij se e fejuara dhe foshnja e tij kishin vdekur. Ai e mori vesh disa minuta më parë, pak para se të dilte në sallën e gjyqit. Kur i thashë, ai shpërtheu duke qarë. Ai në fillim nuk po e besonte”,tha avokati i Nikeziq, Mark Fonte, për The Post.
Nikeziq, i cili u soll në gjykatë në një karrige me rrota dhe i veshur me rrobat e spitalit, akuzohet për vrasje nga pakujdesia dhe drejtim automieti në gjendje të dehur.
E fejuara e tij, Adriana Sylmetaj, 23 vjeçe ishte në sediljen e pasagjerit në momentin kur u shkaktua aksidenti. Ajo ndërroi jetë menjëherë, ndërsa makina u nda në dysh.
Nikeziq u ka thënë policëve se një makinë tjetër i ka prerë rrugën dhe më pas është shkaktuar aksidenti fatal. Por prokurorët thanë se Nikeziq ka lëvizur me shpejtësi dhe ka kaluar në semaforë në bulevardin Hylan rreth orës 4:45 të mëngjesit kur humbi kontrollin e makinës dhe u përplas në një pengesë.
Sipas tyre përplasja ka ardhur pasi Nikeziq kishte kaluar një natë duke pirë. Gjykatësi urdhëroi që i riu të mund të lirohej me kusht për 400 mijë Dollarë cash ose garanci prej 700 mijë Dollarësh.
Të enjten ai do të dalë sërish para gjykatës./Opinion.al
