Policia e Fierit ka arrestuar një 60 vjeçar pasi ka qëlluar me thikë të riun A.T.
Në pranga ka rënë Zagoll Muçaj i cili pas një konflikti për motive të dobëta ka goditur me mjet prerës një 25-vjeçar. Ky i fundit është dërguar në spital ku ndodhet nën kujdesin e mjekëve.
Ndërsa Muçaj i cili punonte si taksist, është shoqëruar në komisariatin e policisë së Fierit. Ai akuzohet për veprat penale “Vrasja me dashje” e mbetur në tentativë dhe “Prodhimi dhe mbajtja pa leje e armëve të ftohta”.
Ndërkohë që ende nuk është bërë me dije arsyeja e konfliktit mes tyre, prokuroria ka nisur hetimet e mëtejshme për zbardhjen e plotë të ngjarjes.
