Dy persona kanë mbetur të plagosur paraditen e sotme si pasojë e shpërthimit të një bombole gazi që përdorej për gatim. Ngjarja ka ndodhur rreth orës 11:10, në një banesë në fshatin Fajza në Has. Të palgosur kanë mbetur S. D dhe U. D., nënë e bir. Ata janë dërguar në spitalin e Kukësit, ku ndodhen jashtë rrezikut për jetën.
“Rreth orës 11:10, në një banesë në fshatin Fajza, Has, dyshohet se ka shpërthyer një bombul gazi që përdorej për gatim. Për pasojë, janë dëmtuar shtetasit S. D dhe U. D. (nënë e bir).
Të dëmtuarit po marrin mjekim në spitalin e Kukësit dhe ndodhen jashtë rrezikut për jetën.
Grupi hetimor ndodhet në vendngjarje dhe vijon punën për zbardhjen e plotë të rrethanave të ngjarjes.- thuhet në njoftimin e policisë.
