Edhe pse inceneratorët janë projektet ndër të akuzuara për vjedhjen e miliona eurove, kryeministri Edi Rama tha se projektet janë të pa përfunduara dhe se duan ende kohë deri në pëfundimin e plotë të tyre.
Sipas Ramës, trajtimi i mbetjeve ka vazhduar me të gjitha kushtet e higjienës sanitare, duke e bërë Tianën një nga qytetet më të pastra në Shqipëri.
Mes të tjerash ai sqaroi se çmimi për ton i Tiranës është më i ulëti në Europë e rajon dhe paguhet nga taksat e qytetarëve.
Edi Rama: Sa herë do më duhet ta shpjegoj? Megjithatë e kuptoj sepse ndërkohë që unë mund ta shpjegoj 5 herë, gënjeshtra përsëritet 500 herë, ndërkohë që ne mund ta shpjegojmë 50 herë, gënjeshtra përsëritet 5 milionë herë. Ne paguajmë çmimin për mbledhjen dhe trajtimin e mbetjeve në impiantin e Sharrës ku procesi fillon që nga mbledhja deri te trajtimi dhe pastaj në fund fare te transferimi në energji, i cili është një proces që nuk ka filluar, kjo është e vërtetë, por që nuk ka lidhje me atë që paguajme ne.
Si të ta shpjegoj, në çdo vend, çdo bashki, çdo subjekt për të evaduar mbetjet dhe për t’i çuar në një vend ku ato nuk qëndrojnë në një hapësirë ku digjen, lëshojnë tym, ku i merr lumi, ku helmojnë dynjanë siç ishte deri dje, por ku ato trajtohen me të gjitha kriteret e higjienës sanitare duhet të paguajnë dhe ka dy rrugë, o paguajnë qytetarët nga taksat e tyre, o subvencionon shteti. Çdo ton ka çmimin e tij. Çmimi për ton i Tiranës është çmimi absolutisht më i ulët i trajtimit të mbetjeve në Europë dhe në rajon, kjo është e vërteta. Arsyeja e bërjes së këtij partneriteti me afat të gjatë është pikërisht kjo. Mundësia për të balancuar nevojën që njerëzit të mos paguajnë koston reale, njësoj si te energjia, por njëkohësisht nevojën që kjo bashkësi njerëzish të mos helmohet.
Ça domethënë kjo, atje s’kishte incenerator sepse ai është një projekt në vazhdim, nuk është një projekt i përfunduar, por ndërkohë në atë zonë mblidhen e përpunohen të gjitha mbetjet dhe nuk ka tym, zjarr e helme dhe nuk ka asgjë tjetër përveçse përpunimit të mbetjeve. Në momentin kur do të ndërtohet impianti i transformimit të mbetjeve në energji, do të jetë hallka përfundimtare. Si nuk ka, çfarë nuk ka? A ka shërbim, a s’ka shërbim? A ka mbledhje mbetjesh, a s’ka mbledhje mbetjesh? A është Tirana sot një nga qytetet më të pastra në Shqipëri, nuk diskutohet, por a e shikoni që të gjithë e vlerësojnë Tiranën për pastërtinë e saj, a ju kujtohet Tirana si ka qenë që ecje mes plehrave? Po si ndodhi e gjitha kjo, ku shkojnë këto plehra? Po ku shkonin më përpara, shkonin në të njëjtin vend, pastaj i gjithë Kombinati i zhytur në blozë mushkërish? Ja pra. Po si u bë kjo, me se u bë kjo?
Mos ngatërroni se çfarë ata individë në bashkëpunim me individë me pushtet kanë bërë në mënyrë të jashtëligjshme, gjë për të cilën procesi është në vijim dhe duhet të shkojë deri në fund me veprat. Veprat janë aty. Fakti është që qytetet kanë shpëtuar dhe kanë shpëtuar falë këtyre veprave. Sigurisht që koston për çfarë është bërë në mënyrë të paligjshme duhet ta paguajnë ata që e kanë bërë, por kjo nuk do të thotë që ne i kemi plehrat rrugëve, s’i kemi plehrat rrugëve.
