Charles III do të shpallet zyrtarisht mbret në orën 10:00 të shtunën në një ceremoni në Pallatin e Shën Xhejmsit.
Sot në mëngjes Këshilli i Trashëgimisë do të mblidhet dhe shpallja Charles III si Mbret do të lexohet publikisht nga ballkoni i asaj rezidence.
Do të jetë hera e parë që mbledhja do të transmetohet në televizion.
Karli u bë mbret automatikisht në momentin që i vdiq e ëma, kështu që shpallja mbret e Charles do të jetë ceremoniale.
Flamujt do të valëviten në shtizë të plotë për 24 orë për të nderuar mbretin e ri, përpara se të kthehen në gjysmështizë.
Dje, në fjalimin e tij të parë drejtuar kombit, Charles III falënderoi botën që u bashkua në zi për nënën e tij, ndërsa u zotua të ndjekë shembullin e saj.
