Në daljen e sotme për mediat pas mbledhjes së qeverisë, Ministri i Brendshëm, Bledi Çuçi është pyetur nga gazetarët nëse edhe ai vetë si ministër i Brendshëm ka përgjegjësi për situatën e kriminalitetit në vend.
Çuçi u përgjigj se ka shkallë përgjegjësie dhe Këshilli i Ministrave sipas tij ka vendosur që të shkarkojë Gledis Nanon për të patur një reagim më të fortë në luftën ndaj krimit.
‘Pa diskutim, ka shkallë përgjegjësie, deri tani Këshilli i Ministriave, Qeveria ka menduar që ndryshimi i menaxhimit nëpërmjet shkarkimit Nanos është masë efikase për të pasur një reagim më të fortë të policisë në luftën kundër krimit. ‘- tha Çuçi.
