Luhet sot në Stade de France në Paris, finalja e yjeve të Champions League, Liverpool-Real Madrid, aktualisht ne rezultatin 0-0, pas nje goli te anuluar te Benzema.
Klopp dhe Ancelotti janë ende në pritje për të bërë histori, nga Benzema te Salah, nga Manè te Vinicius në një natë speciale, që gjithsesi nisi me më shumë se gjysmë ore vonesë për arsye sigurie.
Këndi i Liverpool-it nuk ishte ende i mbushur ndërsa duket se shumë tifozë të Reds që ishin pa biletë tentuan të hyjnë në stadium, duke i marr kohë policisë franceze të verifikojë ata që posedonin biletat.
Policia përdori gaz lotsjellës për të shpërndarë grupet e tifozëve të Liverpool-it që po përpiqeshin të hynin në Stade de France në St. Denis pa pasur një biletë. Më parë, para ndërhyrjes së policisë, rreth njëzet tifozë kishin arritur t’ja dilnin./Opinion.al
