Është rritur bilanci i viktimave të aksidentit të ndodhur mëngjesin e sotëm në rrugën e Kombit. Burime për Klan neës bëjnë me dije se ka shkuar në dy numri i personave të cilët kanë humbur jetën.
Edhe 20-vjeçari, Xheku Logu, nuk arriti t’i mbijetonte plagëve të marra. Kujtojmë se fillimisht i riu doli gjallë nga makina e cila kishte përfunduar 100 metra poshtë rrugës, por humbi jetën në spitalin e Traumës në Tiranë.
Në vendngjarje, humbi jetën edhe Andi Rrustaj, 25 vjeç. Ata po udhëtonin në drejtim të Kukësit, kur makina e tyre ka dalë nga rruga dhe ra në humnerë.
