Në fjalën e mbajtur në mbledhjen e Konferencës së Kryetarëve, kreu i Grupit Parlamentar të PS-së, Taulant Balla ftoi opozitën që të diskutonin për zgjedhjen e një Presidenti konsensual.
Balla tha se zgjedhja e Presidentit nuk bëhet me letra dhe se për këtë duhet të flitet. Ai ftoi Alibeajn që të merrte të vetët dhe të shkonin të bisedonin me të, Spiropalin dhe Gjiknurin.
“Proces me letra nuk bëhet. Mundësinë të takohemi e të flasim e kemi. Dokumentin ta vendosim në tavolinë e ta negociojmë. U tërhoqët, jeni të gatshëm ta negocioni dokumentin. Hajde, jam i gatshëm të ulemi tani. Mbyllim mbledhjen, ulemi diku dhe e diskutojmë. Dhe nëse biem dakord, dalim e informojmë. Shkoni të grupi juaj dhe konsultohuni për emra. Unë s’po u vë asnjë kusht. Të jetë një dokument që të shërbejë edhe në vitet në vijim,” tha Balla.
Nga ana e tij Alibeaj tha se ishte gati që të negocionin me kamera përpara gazetarëve për emrin e Presidentit dhe kriteret mbi të cilat do të zgjidhet ai.
“Dakort jam gati. E diskutojmë me gazetarët tani”,-tha Alibeaj./Opinion.al
