Në një kohë që vendet perëndimore vijojnë sanksionet ndaj Rusisë dhe individëve të veçantë, Turqia ka deklaruar se oligarkët rusë janë të mirëpritur.
Ministri i jashtëm turk Mevlüt Çavuşoğlu, tha se personat që do të futen nga Rusia në Turqi duhet të respektojnë ligjin ndërkombëtar për të bërë biznes.
Turqia ka kritikuar ashpër pushtimin e Rusisë në Ukrainë, por kundërshton sanksionet e vendosura nga aleatët e saj të NATO-s.
Duke folur në konferencën ndërkombëtare të Forumit të Dohas, Çavuşoğlu tha: “Nëse oligarkët rusë … ose ndonjë qytetar rus duan të vizitojnë Turqinë, sigurisht që munden. Nëse do të thuash nëse këta oligarkë mund të bëjnë ndonjë biznes në Turqi, atëherë sigurisht – nëse është e ligjshme dhe jo kundër ligjit ndërkombëtar – unë do ta konsideroj atë. Nëse është kundër ligjit ndërkombëtar, atëherë kjo është një histori tjetër”.
Dy superjahte të lidhura me miliarderin rus Roman Abramovich janë ankoruar në resortet turke, raporton Reuters.
Qeveritë perëndimore kanë vënë në shënjestër Abramoviçin dhe disa oligarkë të tjerë rusë me sanksione, ndërsa ata kërkojnë të izolojnë presidentin rus Vladimir Putin dhe aleatët e tij mbi pushtimin e Ukrainës nga Moska.
