Aldo Bumçi, ish-deputeti demokrat ka folur lidhur me situatën brenda PD.
Gjatë një interviste në “ABC”, është pyetur nëse Komisioni i Rithemelimit do të pranonte kushtet për bashkim të ardhura nga PD, që të krijohet një komision i përbashkët, por pa Sali Berishën.
Bumçi tha se kjo është marrëzi, pasi Berisha mbështet nga 80% e demokratëve.
‘Kjo është jo demokratike, jo politike. Zoti Berisha doli në skenë pas vendimit të përjashtimit të tij, dhe mbështetja që i dhanë demokratët është shumë e qartë. Ai doli në skenë pas një vendimi për përjashtim dhe u mbush stadiumi. Kishte zgjedhje dhe ai ishte përditë në 3-4 takime. A mund të ndërtohet një projekt për të ngritur një parti politike kur ju kërkohet 80% të demokratëve të largojnë një njeri që u mbushi stadiumin. Nuk është më çështja e zotit Berisha, ku janë 80% e demokratëve që mbushën stadiumin, kjo është jodemokratike. Kush do të ulej me një kusht që 80% të pranojë 30 përqindëshin, kjo është marrëzi, kjo do të thotë të bësh lojën e Edi Ramës. 20% ka të drejtë të krijojë fraksion, le të punojë brenda partisë për tu bërë shumicë’, tha Bumçi./ Opinion.al
