Pas sulmeve ruse, qytetarët ukrainas janë armatosur dhe iu janë bashkuar vullnetarisht trupave për të mbrojtur vendin.
Një nga faktet që ka tërhequr më shumë vëmendjen, është numri shumë i madh i grave që po japin kontributin e tyre ushtarakisht.
Nga mediat vendase mësohet se 36 mijë gra i janë bashkuar ushtrisë ukrainase, por në fakt numri i tyre është shumë madh. Në rrjete sociale shpërndahen foto, ku shumë gra ukrainase shfaqen me veshjet e tyre ushtarake, si edhe me armatime nga më të ndryshme, në krah të të gjithë ushtarëve të tjerë ukrainas.
Ndërkohë në shumë raste të tjera kontributi i tyre është duke ndihmuar me përgatitjet e armatimeve artizanale, siç janë bombat molotov. Në një reportazh të BBC, shumë gra në Dnipro shfaqeshin duke përgatitur me shishe birre bomba molotov, për t’i ardhur në ndihmë ushtrisë.
