Një 64-vjeçar ka ndërruar jetë në Spitalin Rajonal të Elbasanit pasditen e sotme.
Uniformat blu informojnë se sot, në kasollen pranë banesës shtetasi Xh.Sh., 64 vjeç, dyshohet se ka dëmtuar veten me thikë dhe për pasojë ka ndërruar jetë sapo ka mbërritur në spital.
Mësohet se ngjarja ka ndodhur në fshatin Lumas, në Cërrik, dhe dyshimet e para janë se 64-vjeçari ta ketë kryer aktin e rëndë në kushtet e depresionit.
“Rreth orës 16:30, në fshatin Lumas, Cerrik, në kasollen pranë banesës, shtetasi Xh. Sh., 64 vjeç, në kushtet e depresionit, dyshohet se ka dëmtuar veten me thikë, i cili është transportuar menjëherë në spitalin rajonal Elbasan por si pasojë e plagës ka ndërruar jetë sapo ka mbërritur në Spital.
Në vendngjarje ndodhet grupi hetimor dhe nën drejtimin e Prokurorisë së Rrethit Gjyqësor Elbasan po punon për zbardhjen e rrethanave të ngjarjes”-njofton policia./Opinion.al
