Komisioni i Rithemelimit të Partisë Demokratike, i përbërë nga Berisha dhe mbështetësit e tij, ka kallëzuar penalisht Lulzim Bashën dhe Gazmend Bardhin.
Sipas “News24”, bëhet e ditur se Komisioni i Rithemelimit ka akuzuar kryetarin e PD, Lulzim Bashën dhe Sekretarin e Përgjithshëm të PD, Gazmend Bardhin për shkatërrim prone, ushtrim dhune dhe përdorim të lëndëve kimike.
Akuzat ndaj Bashës dhe Bardhit janë bërë lidhur me protestën e 8 janarit në selinë e Partisë Demokratike.
Kujtojmë se pas protestës së 8 janarit, e cila u zhvillua në selinë blu, u arrestuan nga policia 34 persona. Të arrestuarit ishin nga grupi i mbështetësve të ish-kryeministrit Berisha, por edhe nga radha e mbështetësve të Bashës. Pak ditë më pas, mbështetësit e arrestuar, u lanë të lirë nga Gjykata e Tiranës./Opinion.al
