Sali Berisha ka ndalur “Foltoren” ditën e sotme në Kukës. Nga pamjet e publikuara Berisha duket se është pritur nga simpatizantët me brohoritje dhe thirrje në kor të emrit të tij, teksa takimi ka nisur si gjithmonë me nderimin e Himnit Kombëtar.
Në fjalën e tij Berisha i ka bërë thirrje kryeministrit Rama të ndjek ‘Foltoren’, teksa e ka cilësuar “punë burrash dhe grash të lira, jo punë pengjesh”.
“Dua të falenderoj qytetarët e Kukësit sepse janë me të vendosur se kurrë të rikthejnë Partinë Demokratike në parti të fitores së sigurt në Shqipëri.
Në emer tuaj do ti them, Edvin ndiqe këtë ‘Foltore’ sepse është punë burrash dhe grash të lira, jo punë pengjesh.”– tha Berisha.
Në takimin me Berishën janë të pranishëm nënkryetarja e degës së PD, si dhe sekretari i degës së Kukësit. /Opinion.al
