Duket se reshjet e shiut janë larg në vendin tonë.
Për të paktën edhe 10 ditë në Shqipëri nuk do të ketë reshje shiu. Lajmin e konfirmon sinoptikania Lajda Porja në një lidhje në News24, e cila tha se intensiteti i erës që ka favorizuar edhe zjarret në vend, duke nisur nga sot do të ulet.
“Reshjet e shiut nuk do të kenë intensitet. Ka pasur vetëm pika shiu dhe reshja ka pasur vetëm në zonen lindore. Përmirësime ka patur me intensitetin e erës. Reshje në territor nuk ka pasur dhe nuki parashikohet të ketë.
Vetem disa reshje të izoluara. Era është krtyesisht e lehtë dhe mesatare. Presim lajme të mira pasi fundjava parashikon dobësim të erës. Fundjava do të jetë e qëndrueshme dhe me mot të kthjellët pa reshje”- u shpreh sinoptikania.
Ndër të tjera sinoptikanja është shprehur se java në vazhdim do të sjëllë një ulje të ndjeshme të temperaturave ku maksimumi nuk do ti kalojë 36 gradë Celsius.
“Kemi pasur një rënie të ndjeshme të temperaturave ku nga sot e në vijim termometri nuk do t’i kaljë 33 gardë maksimumi. Në fundjave pritet edhe një rritje e lehtë nga 33-36 gradë. Vranësirat që janë parë në vend kanë qenë vranësira nga tymi i Saharasë i bashkuar me tymin e zjarreve. Nuk janë vranësira që shkaktojnë reshje”- u shpreh ajo./Opinion.al
