Një person ka humbur jetën në plazhin e Tales në Lezhë.
Mësohet se ngjarja ka ndodhur rreth orës 19:00, ndërsa trupi i viktimës është gjetur i mbytur në plazh.
Policia dhe grupi hetimor në vendngjarje po punojnë për sqarimin e plotë të rrethanave ngjarjes dhe për identifikimin e viktimës.
“Rreth orës 19:30, kemi marrë njoftim për një shtetas ende të paidentifikuar, i cili dyshohet të jetë mbytur në plazhin e Tales, Lezhë. Shërbimet e Policisë dhe grupi hetimor në vendngjarje po punojnë për sqarimin e plotë të rrethanave të ngjarjes, si dhe për identifikimin e shtetasit të mbytur”-njofton policia./ Opinion.al
