Gjatë ditës së sotme vendi ynë do të karakterizohet nga mot me alternime kthjellimesh dhe vranësirash kalimtare deri në mesditë, ku në skajin verior dhe juglindor rrezikohen edhe shira të izoluar.
Por pasditja dhe kryesisht orët e mbrëmjes sjellin largim gradual të vranësirave në Shqipëri duke bërë që kthjellimet të jenë mbizotëruese.
Sipas MeteoAlb, temperaturat e ajrit rriten lehtë në vlerat minimale dhe maksimale duke u luhatur nga 15°C mëngjesi deri në 36°C mesdita.
Era do fryjë e lehtë dhe mesatare me shpejtësi deri 33 km/h, nga drejtimi veriperëndimor ndërsa në det të hapur krijohet dallgëzim 2-3 ballë.
