Detaje të rënda kanë dalë lidhur me ngjarjen e rëndë të përdhunimit të 50-vjeçares shqiptare teksa punonte si pastruese në një pallat, në zonën e Petralonas në kryeqytetin grek.
Një dëshmimtare, e cila ndihmoi gruan pasi dëgjoi thirrjet për ndihmë tha se e gjeti 50-vjeçaren gjysmë të zhveshur dhe me shenja në fytyrë nga dhuna.
Ajo ka folur për mediat greke duke thënë se policia shkoi me vonesë në vendngjarje.
“Isha e para që e pashë gruan. E gjeta gjysmë të zhveshur dhe me shenja në fytyrë nga dhuna. Ishte shumë e rënë psikologjikisht”, tha dëshmitarja për televizionin grek Ant1.
Ajo tregoi gjithashtu se ishte vetë 50-vjeçarja e abuzuar që kishte shkuar në polici për të bërë denoncim, ku kishte kallëzuar se ishte rrahur dhe abuzuar seksualisht 7 herë.
“Gruaja arriti që të dilte nga ballkoni dhe të largohej nga banesa. Kurse ai (autori) ishte brenda dhe ulërinte. Policia erdhi vonë, shumë vonë. Policia erdhi në orën 22:00 të mbrëmjes. Kështu autori u largua nga kati i dytë”, tregoi më tej dëshmitarja.
Kjo e fundit rrëfen gjithashtu se autori kërcënoi edhe atë për faktin se kishte ndihmuar 50-vjeçaren.
“Më kërcënoi mua dhe vajzën time sepse ndihmuam gruan. Tha se do të na mbyste, kemi frikë. Qëndrojmë në shtëpi me grila të ulura. Policia na tha të mos hapim grilat dhe as derën nëse bie zilja”.
Autori është shpallur në kërkim nga policia. Ai është person problematik, sikurse tregojnë fqinjët e tij, dhe vazhdimisht ushtron dhunë edhe ndaj nënës së tij. Ngjarja e rëndë ndodhi 1 ditë më parë teksa gruaja po pastronte pallatin, ku punonte. Një 35-vjeçar bullgar e tërhoqi brenda në apartament e dhunoi dhe më pas e përdhunoi 7 herë./Opinion.al
