Kryeministri Edi Rama këtë të martë ka vizituar qëndrën e vaksinimit në Rrëshen. Gjatë vizitës kreu i qeverisë iu kërkoi të moshuarve të vaksinuar të kenë kujdes derisa të krijohen antitrupat.
Siç shfaqet në video, kryeministri është pritur me ovacione dhe duartrokitje nga të moshuarit e vaksinuar, teksa ka zhvilluar edhe biseda me ta.
Pjesë nga biseda:
E moshuara: Urime kryeministri më i madh dhe më i mirë i Europës.
Rama: Po po, më i gjatë i Europës.
E moshuara: Urime, suksese.
E moshuara tjetër: Kush thotë që nuk keni punuar, ju thafshin duart.
E moshuara tjetër: Rrofsh sa mallet, jam e lumtur që takova dhe kryeministrin.
Rama: Duhet me bo kujdes 2 javët e para sa të krijohen anti-trupat pastaj s’ka problem. Se ju kemi futur kështu ushtarë në trup sa të vrasim armikun, se po u afru armiku e vrasim, por duhet me i lënë një çikë ushtarët të rriten.
Qytetari: Fitore dhe 3 mandate të tjera kryeministër, suksese dhe fitore paç.
E moshuara: Të rujt Zoti. Kishim qejf me të pa.
Rama: Ja më patë.
I moshuari: Fitofsh dhe 3 mandate të tjera zoti kryeministër./Opinion.al
