Kreu i Bashkisë së Tiranës Erion Veliaj ka publikuar ditën e sotme kontratën e lidhur në 2016 mes Bashkisë së Tiranës dhe FRD-së, e cila sipas tij ka katër vite që ka skaduar.
Nëpërmjet një postimi në “Tëitter”, Veliaj i është përgjigjur deklaratave të Presidentit të Republikës Ilir Meta, duke theksuar se nëse kanë pak dinjitet, të lirojnë ndërtesën publike.
“Për përmbaruesin e dhunshëm të Saliut në Presidencë: Kontrata e 2016-ës mes bashkisë Tiranë dhe partisë që Saliu i rrëmbeu ish-Presidentit ka qenë për VETËM 1 VIT! Ka 4 vite që ndërtesa zaptohet pa kontratë. Këto janë faktet. Lironi ndërtesën publike, po keni pak dinjitet”, shkruan Veliaj.
Kujtojmë që llir Meta u shfaq sot para gazetarëve në një deklaratë zyrtare për përplasjen që ndodhi pak ditë më parë në selinë e FRD-së./Opinion.al
