Gjatë konferencës së sotme Kryeministri Edi Rama ka deklaruar se LSI sipas tij është një sistem që duhet çmontuar. Ai më tej ka shtuar se bashkë me Bashën do e çonin për “skrap” por ai e ka “tradhtuar”.
“Çuarja për skrap e LSi praktikisht ishte projekt i përbashkët me Bashën por i tradhëtuar nga Basha. Unë nuk e kam tradhtuar. Basha e ka tradhëtuar projektin sepse ishte ai që e ndau me demokratët domosdoshmërinë për ta çuar LSI për skrap dhe sot është thjesht një aksionar i sh.p.k. i katër ortakëve, ku Basha është ortaku minimal. Se ortakë kryesorë janë Berisha me Metën”, tha Rama.
I pyetur nëse këta persona që janë pjesë e LSI-së a janë të korruptuar kur kalojnë tek PS, Rama tha se nuk janë njerëzit që korruptojnë sistemet, por janë sistemet që korruptojnë njerëzit.
“LSI është projekt që duhet zhbërë, këtu nuk është çështje personat kam besuar më parë, se nuk janë njerëzit që korruptojnë sistemet janë sistemet që korruptojnë njerëzit. Mjafton që ju të ndryshoni ekran do jeni njerëz të tjerë. Besoj se LSI është një sistem që duhet çmontuar komplet”, tha Rama./Opinion.al
