Ministri i rindërtimit Arben Ahmetaj në konferencën e sotme “Ekonomia në fokus” ka deklaruar se programi ekonomik i Partisë Demokratike me rikthimin e taksës së sheshtë do të sjellë humbjen e shtresës së mesme si dhe të shtresës me të ardhurat më të ulëta.
“Progresiviteti është në favor të klasës së mesme dhe shtresës që ka të ardhura të ulëta. Rikthimi i taksës së sheshtë bën tre gjëra mes të tjerave; ngarkon klasën e mesme dhe pjesën që ka të ardhura më të ulëta me më shumë taksa dhe liron dy grupe nga një shifër e konsiderueshme. E mbani mend debatin për devidentin. Nëpërmjet taksës së sheshtë ikin 530 milionë dollarë nga buxheti, për ndihmën ekonomike, për shëndetësinë dhe rindërtimin dhe të shkojnë në xhepat e kompanive të mëdha. Arsyeja është fare e thjeshtë është filozofi e dy forcave të mëdha politike, tek njëra që e mbështet progresivitetin dhe një që fokusohet tek 3 %. I gjithë ky interesim për oligarkët është bolori politike. Janë 140 mln dollarë në vit, ku ky draftprogram i kalon nga spitalet e ndihma ekonomike, i kalon kompanive të mëdha”, tha Ahmetaj.
Më tej Ahmetaj theksoi se programi i Partisë Demokratike për uljen e kontributit të sigurimeve shoqërore nga 24,5% në 18%, është tallje me shqiptarët dhe sipas tij kjo do të thotë se se shqiptarët një ditë mos të kenë mundësi që të marrin pension.
“Sinqerisht, kryeministër me lejen tuaj, për mua është habi e madhe ulja nga 24 në 18 e kontributit. Kjo për çdo profesionist do të ishte habi ekstreme dhe e pakuadruar në shifra. Kjo do të thotë se shqiptarët një ditë mos të kenë mundësi që të marrin pension. Kjo është tallje, gënjeshtër, me gjithë korrektesën që përpiqem që të kem unë me këtë çështje serioze. E çon deficitin e skemës së pensioneve në gati 830 mln dollarë dhe prish komplet reformën. Nëse kontribuoni sot, ju nuk jeni të garantuar për pensionin. Kemi dhe të gjitha heqjet e taksave. Po jua them me gjuhë të thjeshtë. Që ky program të funksionojë do të duhet të rritet ekonomia me 25% dhe të ardhurat me 20% në trajektoren normale të rritjes së Shqipërisë, praktikisht vendi falimenton në vitin e dytë të një mandati potencial por të pamundur të këtyre. Seriozisht më kujtohet ajo platforma e dikurshme e qeverisë dikurshme, e partnerizuar me Suden: “Me ne fitojnë të gjithë dhe pastaj humbet e gjithë Shqipëria”. E dini se do të duhet të shkonte borxhi përtej 90”, tha Ahmetaj./Opinion.al
