Vaksina e dytë kundër COVID-19 është pranë miratimit emergjent në Shtetet e Bashkuara të Amerikës.
Agjencia Amerikane e Barnave dhe Ushqimeve pritet të miratojë sot vaksinën e kompanisë Moderna, pasi mbrëmë një grup këshillimor ekspertësh i kësaj agjencie miratoi me 20 vota pro dhe asnjë kundër efektin pozitiv që sjell ajo tek mbrojtja e personave mbi 18 vjeç.
Ndryshe nga vaksina e Pfizer, kjo e fundit ruhet në temperatura më normale çka nënkupton lehtësi transportuese drejt zonave të thella.
Vaksina Moderna pritet që të arrijë një hap më shumë drejt frenimit të pandemisë që ka infektuar rreth 17 milionë njerëz dhe ka vrarë më shumë se 300,000 në Shtetet e Bashkuara.
Ekspertët thanë se Moderna është 95% efektive dhe theksuan se vaksina duhet të jepet në dy doza, në një diferencë kohore prej 28 ditësh./Opinion.al
