Një aksident është regjistruar mëngjesin e sotëm në aksin Urë Vajgurore-Lushnje, në fshatin Poshnje.
Një furgon mallrash,që udhëtonte në drejtim të Beratit, ka përplasur 2 pensionistë me biçikletë dhe më pas ka dalë nga rruga duke përmbysur në krahun e kundërt të lëvizjes.
Sipas të dhënave, dy të moshuarit e plagosur janë nga fshatrat përreth, të cilët tregtojnë qumësht në qytet. Ndërkohë, drejtuesi i mjetit ka pësuar dëmtime të lehta.
Të plagosurit identifikuar si Sotir Avrami,68-vjeç dhe Spiro Veshi,63-vjeç, të cilët janë transportuar në gjendje të rëndē drejt Spitalit Rajonal të Beratit, ku sipas mjekëve gjendja e tyre është kritike.
Ndërkohë, autoritetet kanë ndaluar drejtuesin e mjetit dhe po punojnë për zbardhjen e plotë të rrethanave të ngjarjes./ Opinion.al
