Vijojnë arrestimet për transportimin e emigrantëve të paligjshëm në vendin tonë.
Policia ka arrestuar së fundmi dy persona të cilët po transportonin emigrantë të paligjshëm pasi u kishin premtuar kalim në vendet e BE-së.
Një 23 vjeçar nga Korça dhe një 27-vjeçar nga Tirana u kapën në Pogradec.
23 vjeçari, banues në Korçë, u kap pranë vendit të quajtur “Guri i Kuq” në Pogradec, duke transportuar me mjetin tip “Benz”, pesë emigrantë të paligjshëm, të cilëve kundrejt fitimit iu kishte premtuar kalimin drejt vendeve të BE-së.
Ndërsa 27 vjeçari, banues në Shkozë, Tiranë, u kap në vendin e quajtur “Enkelana” në Pogradec, duke transportuar me mjetin tip “Opel”, një emigrant të paligjshëm, të cilit kundrejt shpërblimit i kishte premtuar kalimin drejt vendeve të BE-së.
Materialet i kaluan Prokurorisë të Rrethit Gjyqësor Pogradec për veprën penale “Ndihma për kalim të paligjshëm të kufijve”./ Opinion.al
