Një çift të rinjsh janë vënë nën prangat e policisë për trafikim të lëndëve narkotike. Pas operacionit të koduar “Sauku”, janë arrestuar në flagrancë një vajzë 22 vjeçare Xh. P., 22 banuese në Tiranë dhe një djalë 26 vjeç, me iniciale D.R., banues në Elbasan.
Policia ka sekuestruar lëndë narkotike të tipit heroinë, një shumë parash të përfituara nga shitja e lëndës narkotike, 1 automjet si dhe 3 telefona celular.
“Pas mbajtjes në vëzhgim të mjetit me të cilin këta shtetas po qarkullonin dhe mbi bazën e dyshimit të arsyeshëm se në këtë mjet kishte lëndë narkotike, shërbimet e Policisë në vendin e quajtur rrethrrotullimi i Saukut, kanë ndaluar mjetin për kontroll.
Gjatë kontrollit të ushtruar në mjetin tip “OPEL”, me drejtues shtetasin D. R. dhe pasagjere shtetasen Xh. P., në pjesën e kasetafonit të automjetit, shërbimet e Policisë kanë gjetur 2 qese plastike me lëndë të dyshuar heroinë, e përgatitur dhe ndarë në doza gati për shitje,(15.2 gramë), një shumë parash që dyshohet se i kanë përfituar nga shitja e lëndës narkotike dhe tre aparate celular”, njofton policia./Opinion.al
