Lideri i opozitës ruse, Aleksei Navalny, i cili po mjekohet në një spital gjerman pas një helmimi të dyshimtë, ishte nën mbikëqyrje nga agjentët federalë të sigurimit rus, gjatë udhëtimit të tij të fundit në Siberi, raporton një gazetë ruse.
Oficerët e Shërbimit Federal të Sigurisë së Rusisë (FSB) monitoruan lëvizjet e Navalny, tha gazeta Moskovsky Komsomolets, duke cituar burime të agjencive ruse të sigurisë. Vëzhgimi përfshinte oficerë të veshur si civilë dhe kamera në objekte dhe rrugë, shton gazeta.
Raporti jep detaje rreth vendit ku qëndroi, ushqimit që konsumoi ai me bashkëpunëtorët e tij dhe informacione rreth lëvizjeve të tij.
“Shkalla e mbikëqyrjes nuk më befason aspak. Ne ishim të vetëdijshëm për të më parë”, tha zëdhënësja e Navalnyt, Kira Yarmysh.
Yarmysh tha më 20 gusht se ajo besonte se politikani ishte helmuar teksa pinte një çaj në aeroportin e Tomskit.
44 vjeçari Navalny një ndër kritikët më të fortë të presidentit rus, Vladimir Putin, u evakuua në Gjermani nga qyteti Siberian Omsk me një avion ambulancë dhe ka qenë në gjendje kome që kur u sëmur më 20 gusht./Opinion.al
