Gjykata e Gjirokastrës ka dhënë masën e sigurisë arrest me burg për shoferin e ambulancës që përplasi për vdekje 10-vjeçarin në Kakavijë disa ditë më parë.
Ngjarja e rëndë ndodhi 4 ditë më parë, kur situata në pikën kufitare të Kakavijës ishte rëduar si pasojë e radhëve të gjata.
Ambulancat ndodheshin në vendngjarje pasi kishte persona në gjendje jo të mirë shëndetësore.
Mijëra qytetarë kishin mbetur të bllokuar në radhë kilometrike në pritje për të kaluar kufirin dhe shumë familje kishin kaluar netë në automjetet e tyre.
Admir Golemi ishte shoferi i një prej ambulancave. Ai ishte duke ecur me shpejtësi kur një fëmijë 10-vjeç që po priste me familjen e tij, papritur i preu rrugën automjetit duke u aksidentuar prej tij.
I mituri nuk arriti të mbijetojë, ndërsa Golemi sot është lënë në burg në pritje të gjykimit. /Opinion.al
