Presidenti Ilir Meta ka reaguar pas situatës së krijuar në spitalet ku po trajtohen personat e prekur nga koronavirusi.
Meta publikuar në “Facebook”, foto ku shihen të afërmit e të infektuarve duke pritur jashtë spitalit, por pa respektuar distancimin fizik.
Qytetarët ndodhen jashtë ambienteve të spitalit për të sjellë gjëra të nevojshme për të afërmit e tyre të sëmurë.
Ndërkohë, Meta shprehet se familjarët e qytetarëve të prekur nga COVID-19 meritojnë të trajtohen denjësisht dhe të informohen me transparencë të plotë për shëndetin e të dashurve të tyre. Presidenti thekson se kërkon reflektim të menjëhershëm nga autoritetet.
Reagimi
Familjarët e qytetarëve të prekur nga COVID-19 meritojnë të trajtohen denjësisht dhe të informohen me transparencë të plotë për shëndetin e të dashurve të tyre, të cilëve ju uroj shërim sa më të shpejtë.
Pamjet shqetësuese të publikuara sot në media për grumbullime të shumta në ambientet e jashtme të Spitalit Infektiv në Tiranë kërkojnë reflektim të menjëhershëm./ Opinion.al
