Vijojnë të evidentohen raste të ngacmimeve seksuale në vendin tonë.
Policia njofton se në Tiranë ka arrestuar një 61-vjeçar.
Ky person “dyshohet se në periudha të ndryshme kohore, ka përndjekur, ka kryer veprime të turpshme dhe ka ngacmuar seksualisht një shtetase”- njofton policia.
Dy ditë më pare një 56-vjeçar u arrestua pasi akuzohet se ka ngacmuar seksualisht dy vajza të mitura të moshave 9 dhe 13 vjeç.
Në datën 4 të këtij muaji dy efektivë të Policisë Rrugore në Tiranë janë arrestuar pasi akuzohen se në këmbim të dorëzimit të automjetit të sekuestruar në pronësi të një shtetaseje, i kanë kërkuar favore seksuale. /Opinion.al
