I pyetur në lidhje me deklaratën e ambasadores amerikane Yuri Kim se “topi është në anën e opozitës”, Presidenti Ilir Meta u shpreh se ka zhvilluar vetëm një telefonatë me zotin Basha në lidhje me këtë cështje.
Meta sqaroi se në këtë telefonatë i ka thënë Bashës se opozita e bashkuar duhet të shkojë në tryezën e Reformës Zgjedhore me kërkesa realiste, për të ngjallur sa më shumë besim tek qytetarët.
“Mesazhi im për opozitën, ka qenë: Gjithçka për konsensus. Që në momentin e shkatërrimit në mënyrë të paligjshme të Teatrit, ka qenë: Mos bini pre e provokimit të radhës, për t’u larguar nga tryeza e reformës. Mesazhi tjetër: Mos paraqisni një listë dëshirash, por qëndroni qartë tek elementët bazikë, për të cilat do të keni përkrahjen e partnerëve ndërkombëtarë dhe atyre që janë mjaft të shqetësuar për problemet e zgjedhjeve në Shqipëri. Bëj thirrje që të jo vetëm mos të humbim drejt rrugës europiane, por edhe të fitojmë më shumë, kam pasur vetëm një telefonatë me zotin Basha. Mesazhi im ka qenë që opozita t’ju japë besim qytetarëve shqiptarë.”, u shpreh kreu i shtetit./Opinion.al
