Pas mbledhjes së këshillit politik, bashkëkryetari Damian Gjiknuri u shpreh se PD dhe LSI nuk kanë sjellë propozim për ndryshim sistemi në tavolinë.
“Kemi lënë 2 a 3 ditë por asnjë propozim nuk ka ardhur. Nëse ka kërkesa nga të gjithë partitë për trajtimin e sistemit ne jemi të hapur por do të shprehemi te fundit.”, u shpreh Gjinkuri.
Përfaqësuesi i Mazhorancës po ashtu ka deklaruar se sot u arrit dakordësi mes palëve me përjashtim të shtrirjes së teknologjisë dhe çështjes së administratës së zgjedhore.
“Akoma nuk kemi gjetur kompromis për dy tre gjëra për shtrirjen e teknologjisë. Ka rrisqe të shumta. PD insiston tek e saja. Kemi problem të paadresuar çështjen e administratës zgjedhore. Propozimi jonë i lejon edhe anëtarëve të partive politike për të qenë pjesë e procesit, por nuk ka marrë miratimin e PD. Për krimet zgjedhore, imunitetin penal, futjen e kamerave, rolin e policisë.
Ka dakordësi për rihapjen e kutive pas procesit. Jemi të hapur për negociata. Kushdo që konstaton shkelje ka të drejtë të kontrollojë çdo fletë votimi. Këto janë garanci shtesë që asnjë opozitë nuk i ka pasur më përpara. Roli i Gjykatës Kushtetuese mund të ketë probleme dhe eskpertët kanë kërkuar kohë për të kthyer përgjigje. Jemi dakord për teknologjinë në atë masë që është e lejueshme.” u shpreh Gjinkuri./Opinion.al
