OFL u dërgon formularin e deklarimit të pasurisë 4 personave të tjerë

Operacioni Forca e Ligjit u ka dërguar ditën e sotme katër personave të tjerë formularin e deklarimit të pasurisë.

Mësohet se bëhet fjalë për; Arben Ruço, banues në Korçë, i dënuar nga Gjykata e Apelit të Selanikut, për veprën penale “Trafikim i  lëndëve narkotike”;

Frederik Arifi, banues në Korçë, i dënuar për veprat penale “Vrasja në rrethana cilësuese” dhe “Mbajtja pa leje e armëve luftarake”;

Meardi Berberi, banues në Pogradec, i dënuar për veprën penale “Shtrëngim me anë të kanosjes ose dhunës për dhënien e pasurisë”, e kryer në bashkëpunim;

Shkëlqim Sharra, banues në Elbasan, i dënuar për veprën penale “Shfrytëzim prostitucioni”;

Të katërt këta persona duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme./ Opinion.al