Në një konferencë për shtyp, Presidenti i vendit, Ilir Meta, deklaroi se ka cuar në Gjykatën Kushtetuese vendimin e Këshillit të Ministrave të datës 8 Maj 2020, për kalimin në pronësi të Bashkisë së Tiranës, të truallit të Teatrit Kombëtar.
Sakaq, i pyetur nga gazetarët nëse do t’i bashkohet nesër protestës së artistëve në mbrojtje të teatrit, dhe për hapat që do të marrë në cështjen Dvorani, kreu i Shtetit theksoi me tone të ashpra, e nëse ka ndonjë karagjoz, që kërkon të bëjë prova force me Presidentin, duhet ta ketë të qartë se ai mban shënim çdo gjë.
“Presidenti është gjithmonë në mbrojtje të interesit dhe në krye të detyrës. Sa i takon ndonjë karagjozi që do të bëjë prova force me presidentin, duhet ta ketë të qartë sepresidenti sillet me përgjegjësi maksimale. I mban shënim të gjitha dhe i ka bërë paralajmërimet e përsëritura. Presidenti bën detyrën pa rënë në provokime banale. Presidenti u ka bërë thirrje të gjithëve të përqendrohen në 15 kushtet e BE. Sjella ndaj kësaj cështjeje nuk është e dimensioneve revokale por monitorohet maksimalisht dhe do të kishte rendim përkeqësues për pozitën tonë, që nuk është aspak për t’u krenuar, në raport me perspektivën e çeljes së negociatave.
Duhet të tregojmë se jemi një vend që sillemi me përgjegjësi maksimale, merremi me çështjet më të rëndësishme. Shpresoj të gjithë të reflektojmë, secili të respektojë kompetencat e tij, sepse shqiptarët kanë probleme alarmante dhe kjo kërkon përgjegjëshmëri dhe jo papërgjegjshmëri ekstreme. Shpresoj të gjithë të heqin dorë nga provokimet, pasi këto nuk do të ishin ato që do të ndihmonin pozitën e kujtdo”, theksoi Kreu i Shtetit./Opinion.al
