Kreu demokrat Lulzim Basha në një lidhje në emisionin “Opinion” ka theksuar rëndësinë e shpalljes së vendit në gjendjen e emëergjencës së fatkeqësisë natyrore. Sipas Bashës, shpallja e një gjendjeje të tillë, do të ndihmonte si shtetin ashtu edhte qytetarët.
“Kushtetuta e Shqiprisë dhe ligjet e Shqipërisë, ligji i emergjencave janë shumë të qarta. Ne jemi në dy javëshin e fundit të zgjatjes së emergjencës së shkaktuar nga tërmeti, për 3 qarqe. Kam kërkaur shpalljen e emergjencës në gjithë territorin. Kjo është një masë që ndihmon shtetin, por dhe individët. Në kushtet e një emergjence të shpallur nga shteti, edhe bizneset që kanë kontrata jashtë vendit mund të kenë kaluazola që i ndihmojnë”.
Duke kujtuar që qytetarët shqiptarë në këtë situatë kanë edhe të drejta, Basha theksoi se vendimi për emergjencën është një detyrim ligjor, ndërsa theksoi edhe një herë 3 prioritetet e platformës së Partisë Demokratike në këtë situatë.
“Ne kemi vetëm 3 prioritete ku duhet të investohen lekët e taksapaguesve. Nuk janë lekët e shtetit ato, janë të qytetarëve. Shteti është administrator. 3 janë priorietetet:
- Shëndeti, mbrojtja e stafit që janë vija e vetme mbrojtjëse mes qytetarëve dhe virusit. Pajisje më shumë, trajnime më shumë, ngritje të kapaciteteve të tjera, qofshin këto pavijone apo çadra siç u ngritën sot.
- Së dyti shpenzimet sociale. Ne, ndryshe nga vendet e tjera të Europës kemi 50% të banorëve në shtresa të varfra.
- Dhe e treta ka të bëjë me ekonominë. Sot bëhet fjalë për mbi 100 mijë biznese të vogla të cilët janë sot jashtë funksionit. Ndaj paratë duhe të drejtohen në këto tre drejtime.
I pyetur nga gazetari Blendi Fevziu, nëse Shqipëria mund t’i ketë në dispozicion këto para dhe mund t’i gjejnë, Basha foli për të paktën 216 milionë euro, që janë në strukturën e buxhetit të sotëm të shtetit.
“Aty ku i kanë gjetur edhe shtete të tjera. Nga shpenzimet e luksit. E rëndësishme është që ato konçensione që nuk kanë leverdi, por dhe shpenzime të tjera, ndërtime rrugësh, etj, mund të shtyhen. Të gjitha paratë e taksapaguesve shqiptarë sot duhet të shkojnë në një drejtim.
Janë 120 milionë euro nga 10 kontrata konçensionare . 40 milionë euro si shpenzime operative të tepërta dhe afro 100 milion të tjera të cilat janë shpenzime në zërin e investimeve publike”.
Ndërsa ka mbështetur masat strikte të ndërmarra nga qeveria për të ndaluar përhapjen e koronavirusit, Basha tha se opozita prej 1 muaji ka bërë thirrje për masa parandaluese dhe se koha madje mund të kërkojë përforcimin e tyre.
“Madje koha mund të kërkojë që të bëhen më shumë sakrifica. Këto sakrifica bëhen kur ne i mbështesim njerëzit në nevojë. Një pjesë janë vendosur, çka tregon se propozimet ishin realiste. I garantoj qytetarët që këto propozime I kemi bërë sikur të ishim ne sot në qeverisje, me përgjegjësinë e një force që ka qeverisur vendin. Të gjitha propozimet tona janë konstruktive. I tillë është dhe propozimi për mbylljen e të gjitha bizneseve që janë në ambjente të mbyllura. Flas për fasonë, call center, fabrika që nuk janë në domosdoshmërinë jetike dhe shfaqin rreziqe për shëndetin e punonjësve. Sot u informova që Kryeministri do ta shpallë këtë gjendje emergjence, por i bëj thirrje të mos e vonojë”, tha Basha/Opinion.al
