Ndërsa u ka kërkuar qytetarëve shqiptarë të respektojnë distancat dhe të qëndrojnë në shtëpi, Ministrja e Shëndetësisë Ogerta Manastirliu ka deklaruar se është kërkuar mbështetje nga Kina dhe OBSH për pajisje mjekësore.
“Ne i kemi bërë një kerkësë Kinës, jemi në pritje, por jo vetëm ndaj tyre. Kemi organizuar një telekonferencë me partnerët ndërkombëtarë në vend, nje telekonferencë që kam pasur dje, për të mundësuar këto ditë, të kemi kanale të lira komunimi për furnizimin në vazhdim për pajisje mjekësore. OBSH është një partner ynë, dhe ata po na suportojnë vazhdimisht. Edhe me SHBA jemi në kontakte për të siguruar brenda potencialeve që janë sot furnizmet në vazhdim qoftë materialet e mbrotjes personale, aparatura dhe teste”, tha Manastirliu duke kërkuar nga qytetarët të zbatojnë rregullat.
“Edhe njëhërë qytetarëve, që të ruajnë distancat me njëri tjetrin. Të ruajmë distancimin social. Këto janë rregulla të vendosura për t’u zbatuar, duhet t’i bëjmë zakone këto rregulla. Nuk është lojë, është luftë dhe ndaj të gjitha masat duhet të respektohen. E vetmja mënyrë është të ruajmë distancimin social, të rrimë në shtëpi, për të mos lejuar përhapjen e këtij virusi”, bëri thirrje ministrja.
Manastirliu ka deklaruar se pas Spitalit të Infektivtit po behet riorganizimi i spitalit COVID-2 tek “Shefqet Ndroqi” dhe me pas në skenarët e mëtejshmëm ish-kirurgjitë në QSUT gjithashtu do të jenë në dispozicion nëse do të nevojiten për trajtimin e të infektuarve me COVID-19./Opinion.al
