Ndërsa rastet me koronavirus po rriten ndjeshëm, qeveria franceze po konsideron izolimin e plotë të Parisit.
Autoritetet e përshkruajnë situatën ekstremisht shqetësuese pasi qytetarët nuk po i përmbahen thirrjeve për qëndrim në shtëpi dhe distancë sociale.
Drejtori i përgjithshëm i shëndetit publik francez, Jerome Salomon, u bëri thirrje qytetarëve të mobilizohen për të frenar përhapjen e koronavirusit, pasi situata po del jashtë kontrollit.
“Qytetarët duhet të qëndrojnë në shtëpi. Do të ishte katastrofike të arrinim në pikën kur duhet të zgjedhim se kë të shpëtojmë”, ishin fjalët e tij.
Mbi 5400 persona janë të prekur nga Covid-19 në Francë, dhe 36 viktima të reja u shënuan vetëm në 24 orët e fundit, teksa numri total i viktimave ka arritur në 127./Opinion.al
