Derbi Tirana – Partizani i ka dhuruar të gjitha mbrëmjen e së premtes, duke u mbyllur me rezultatin 5-1 në favor të Tiranës. Në ndeshjen e zhvilluar në “Air Albania”, vetëm në 45 minutat e para të takimit janë shënuar 3 gola, 2 penallti dhe një lojtar është ndëshkuar me karton të kuq.
Ndeshja nisi më së miri për Partizanin i cili kaloi në avantazh në minutën e dytë me një goditje fluturimthi nga jashtë zone të William.
Por festa e ‘demave të kuq’ nuk do të zgjaste shumë. Në minutën e 16 Tirana fiton një 11-metërsh dhe Bitri ndëshkohet me karton të kuq. Batha barazoi shifrat në 1-1. Por 3 minuta më vonë do të vinte dhe goditja tjetër për Partizanin pasi rivalët do të fitonin një tjetër penallti e cila do të shndërrohej në gol përsëri nga Batha.
Pjesa e parë e takimit është mbyllur kështu 2-1 në favor të Tiranës. Me të vetmin gol të realizuar nga Melo, Partizani nuk ka arritur të prekë sërish rrjetën e bardh e bluve, por aksidentalisht, Idrizaj ka shënuar një autogol. Ndërkohë që në pjesën e dytë, Tirana ka shënuar edhe 2 gola të tjerë, duke e çuar rezultatin në 5-1.
Me këtë rezultat, Tirana kryeson renditjen e superligës, duke u shkëputur me 9 pikë nga Partizani, që renditet i treti.
Për këtë ndeshje janë shitur 19,500 bileta por tifozët kanë patur vështirësi për të hyrë në stadium për shkak se i është kërkuar karta e identitetit çka ka krijuar edhe radhë të gjata. /Opinion.al
