Deputetja Rudina Hajdari, teksa ka folur për projekt-ligjin për kontrollin dhe disiplinimin e ndërtimeve, ka hedhur akuza ndaj kryeministrit Edi Rama.
Në fjalën e saj në Kuvend, Hajdari ka thënë se ish-kryebashkiaku i Durrësit, Vangjush Dako e betonizoi Durrësin me mbështetjen e Ramës, ndërsa shtoi se administrata në vend është e korruptuar. Po ashtu, deputetja ka thënë se kryeministri Rama endet rrugëve të Europës për ambicie personale që s’kanë të bëjnë me jetën e qytetarëve shqiptarë sot.
“E dëgjuat kryeministrin. Foli sikur s’ka qenë asnjëherë në Shqipëri. Sikur s’ka qenë kryetar bashkie e nuk di c’bëhet me ndërtimet pa leje. Akuzon për leje jashtë standardi, kate pa leje. etj. Por kush e ka fajin.. e kam unë? Kush e betonizoi Durrësin, kush e mbështeti Vangjush Dakon. Unë apo kryeministri në foltore. Kush e ka fajin për gënjeshtrat që sot nuk ka parqe nuk ka lodra, janë kthyer në gropa për pallate. Kush e ka fajin për ata? Apo nuk flet për ata.. po merren me qytetarët që po ndërtojnë 4 kate pa leje . Po ky është skandal. Ke një vit që endesh në Evropë e merresh me egoizmin tënd, që s’ka mbarim. bën foto me Merkel, e të tjerë. Nuk ke të ngopur, do të tregosh se je lideri suprem i këtij vendi. Mendon se këto takime do i ndryshojnë jetën qytetarëve. Janë ambicie personale që s’kanë të bëjnë me jetën e qytetarëve sot. TI në raportin e tij thotë që jeni vendi më i korruptuar, me kë konkurojmë ne sot me Afganistanin, me Sirinë. Mos Shpifni. Thojini shqiptarëve të vërtetën. Keni betonizuar Tiranën, Durrësin, i keni dhënë kryebashkiakevë me të dhëna kriminale, e keni cuar këtë vend keq e më keq. Ki pak ndërgjegje flit me shqiptarët sic duhet folur. Thoni se asnjë mur nuk ndërtohet sot pa rryshfet. Administrata është komplet e korruptuar.” tha Hajdari.
Ndërkohë, kryeministri i është kundërpërgjigjur Hajdarit duke e thënë se fjalimet e saj janë si ndërtime krejtësisht pa leje dhe e ka këshilluar që gjëja e parë që duhet të bëjë është të sistemojë rrugët e mendimit, pastaj fjalët, fjalitë e më tej fjalimet.
“Opozitën nuk e zgjedh. E ke. E kishim opozitën këtu. Jeni si dy pika uji me ata që nuk janë këtu. Nëse ka ndryshim mes jush dhe Bashës është se ai gënjen me dashje, ju gënjeni me dashje, ai bën sikur nuk kupton, ju nuk kuptoni. Ju sa herë merrni fjalën kaloni nga betonizimi te krevatet, nga kontrolli mjekësor tek bllok në Tiranë. Taman si vër tulla me mistri. Vini kwtu dhe bwni njw sallatw fjalwsh. Nuk dini të dalloni gënjeshtrën, akuzën. Një trishtim i madh kur mendoni se flisni në emër të të resë ndaj të vjetrës që ka përballë. Ju duhet të sistemoni rrugët e mendimit dhe sistemimit të fjalëve. Ju thoni se unë këtu thashë diçka tjetër. Transformoni fjalët që ju mendoni se po i kundërviheni. Unë nuk thashë që nuk kam qenë kryetar bashkie. Nuk mund të lini pa përmendur betonizimin e gjetur në pusin e paditurisë që ushqehet nga mllefi dhe prodhon fjalë pa asnjë lidhje me të vërtetën. Shkoni bëjeni kontrollin mjekësor bazë për të parë nëse funksionon apo nuk funksionon. Ju nuk e keni kuptuar dhe nuk do e kuptoni se pse humbni. Më thoni një arsye pse një shqiptarë duhet të shkojë të votojë zonjën Hajdari, ose zotin Lulzim. Më tregoni mua. Mbase unë jam i pavullnetshëm që t’i zbuloj ato që thonë ata. Zonja Hajdari, një këshill po të jap prapë, rrugën e ndërtimit të mendimit dhe jo marrjen peng të foltores këtu për sallatë fjalësh. Pak respekt”, tha Rama. /Opinion.al
