Sot është mbledhur për herë të dytë Komiteti Kombëtar i Rindërtimit, ku është diskutuar në lidhje me situatën e rëndë të krijuar nga tërmeti tragjik i 26 nëntorit.
I pranishëm në këtë mbledhje ka qenë i pranishëm edhe kryetari i Akademisë së Shkencave, Skënder Gjinushi, i cili është shprehur se duhet pasur kujdes me ndërtimet që do të bëhen, duke thënë se ata duhet të jenë të llojit europian.
Po ashtu, Gjinushi ka deklaruar se Akademia e Shkencave është e gatshme të bëjë rolin e organizatorit në këtë rast.
“Mendoj se gjërat janë kapur siç duhet. Por unë doja të marr një çështje, studimet që bëhen për sizmologjinë etj. në të ardhmen të zbatohen kodet europiane. Studimet për këtë ekzistojnë dhe vlerësoj se këtë detyrë mund ta marrë Akademia e Shkencave. Ne jemi gati të jemi organizatori, madje të ngremë edhe një strukturë të përkohshme. Jemi konsultuar edhe me qendrat dhe akademitë rajonale, për të bërë qoftë akademi rajonale për këtë çështje. Por kryesorja është që të ndërtohen harta për situatën. Tirana, Durrësi, Shkodra, Vlora etj janë disa vatra që kanë rrezikshmëri. Ndërtimet në Shqipëri duhet të jenë të garantuara”, u shpreh Gjinushi./Opinion.al
