Në maj të vitit 1996, Claudia Ruf u rrëmbye ndërsa po shëtiste qenin e komshiut të saj në një lagje të Grevenbroich. Trupi i saj u gjet vetëm dy ditë më pas nga hetuesit, ndërsa krimi makabër nuk arriti të zbardhet.
Vrasja e 11-vjeçares tronditi opinionin publik dhe mbetet një nga ngjarjet më të rënda që ka ndodhur në këtë qytet të vogël në perëndim të Gjermanisë.
Për këtë arsye, hetuesit kanë rihapur hetimet dhe kanë nisur mbledhjen e ADN-së së qindra personave, për të “hedhur dritë” mbi atë që mund të ketë ndodhur 23 vite më parë.
Policia iu ka dërguar ftesë rreth 900 personave për të dhënë ADN-në e tyre për t’i krahasuar me gjurmët e lëna në ditën e krimit ndërsa ngjarja është rikthyer në vëmendje.
‘Duam t’u japim një mesazh keqberësve, mbi të gjitha personit që mbolli asokohe panik në familjet tona, askush nuk ia hedh paq nga krimet e bëra. Të gjithë do paguajnë herët a vonë”, tha shefi i policisë i pyetur nga mediat lokale lidhur me rihapjen e hetimeve./Opinion.al
