Kryetari i Kuvendit, Gramoz Ruçi, u ka bërë thirrje homologëve të vendeve të Bashkimit Europian, të cilët ishin kundër hapjes së negociatave me Shqipërinë.
Teksa e cilëson si të pamerituar vendimin e Këshillit të Europës, Ruçi se Gjermania ishte pro çeljes së negociatave, ndërsa i drejtohet kryetarit të Bundestagut Wolfgang Schäuble se; “Pro e Bundestagut dhe Kancelares Merkel, domethënëse”.
Ruçi është drejtuar skeptikëve, Francës, Holandës dhe Danimarkës, që para setë marrin vendime të verfikojnë reformat që ka ndërmarrë Shqipëria.
“Kuvendi, qeveria, institucionet dhe qytetarët shqiptarë kanë bërë më të mirën për të përmbushur me sukses rekomandimet e Komisionit dhe të Këshillit Evropian për pesë prioritetet kyçe të reformave integruese: reformës kurajoze e unike në drejtësi, luftën kundër korrupsionit dhe krimit të organizuar, reformës së administratës publike dhe garantimit e mbrojtjes së të drejtave të njeriut, përfshirë të drejtat e pronësisë. Vendimi i Këshillit Evropian, edhe pse i pamerituar dhe që nuk i përgjigjet të vërtetës për rezultatet e Shqipërisë, nuk na dekurajoi, por, përkundrazi, na nxit për të ecur më shpejt e me performancë më të mirë drejt përmbushjes së kritereve për çeljen sa më shpejt të negociatave. Ne e kemi të qartë se reformat integruese nuk janë qëllim në vetvete, por i shërbejnë zhvillimit të Shqipërisë, mirëqenies së qytetarëve si edhe stabilitetit, sigurisë dhe prosperitetit të rajon. Thellimi i reformave dhe konsolidimi i demokracisë në Shqipëri dhe vendet e tjera të rajonit i shërben gjithashtu shndërrimit të Ballkanit Perëndimor në një vlerë të shtuar të familjes evropiane”, shkruan në letrat e tij Kryetari i Kuvendit, Gramoz Ruçi./ Opinion.al
