Kryetari i Partisë Demokratike, Lulzim Basha, ka zhvilluar pasditen e sotme një takim me Kolegjin e Kryetarëve, ku në fokus ka qenë situata politike në vend.
Mësohet se gjatë mbledhjes Basha u ka kërkuar të pranishmëve që të punojnë si të ketë zgjedhje nesër. Kryedemokrati ka thënë se PD do të ngrejë shtabin qendror elektoral dhe politik, i cili më pas do të shtrihet në të gjithë vendin.
Ndërkohë, ende nuk ka një datë kur opozita do të rinisë zgjedhjet, pasi mesa duket partitë opozitare po fokusohen në gjetjen e një zgjidhje për krizën politike.
“Vendi eshte ne nje krize te thelle shumeplaneshe dhe detyra e PD dhe opozites eshte te angazhohet seriozisht per te qene prane njerezve dhe per t’i hapur rruge prespektives europine te Shqiperise. Opozita ka dhene propozimet e veta per zgjidhjen e krizes ne vend, qe kalon permes zgjedhjeve te njekohshme parlamentare dhe lokale te parakohshme, me qeveri tranzitore qe garantin standardet per zgjedhjet e lira dhe te ndershme. Prane Partise Demokratike do te ngrihet shtabi qendror elektoral dhe politik, shtabe qe do te shtrihen ne menyre piramidale ne te gjithe vendin. Puna do te perqendrohet ne planin e ofrimit te zgjidhjes per qytetaret, denoncimeve per aferat korruptive dhe kriminale te Qeverise, bashkimi i faktoreve dhe aktoreve me potencial njerezor dhe eletoral prane PD, si dhe hapja e partise per njerez me integritet profesional e moral.”
Kujtojmë se gjatë ditës së sotme Basha ka takuar dhe ish-kandidatin për kreun e PD-së, Eduard Selamin. Ende nuk janë të qarta arsyet e këtij takimi, ndërsa dyshohet se ka lidhje me planin e PD për të rikthyer të gjithë ata persona që kontribuojnë për partinë./ Opinion.al E.Xh.
